20 ENPRESAK PARTE HARTU DUTE IRUNGO ETA HONDARRIBIKO ENPRESENTZAT BIDASOA BIZIRIK-EK ANTOLATU DITUEN ADIMEN LEHIAKORREKO TAILERRETAN

24.06.2016

Adimen lehiakorra garrantzizko informazioa biltzeko eta aztertzeko prozesua da, erabakiak hartzerakoan kontuan hartua izan dadin. Horrela, informazioa jaso, aldaketa seinaleak garaiz identifikatu eta nabarmentzeko  berritu daitezke enpresak, lehiakorra izaten jarraitzeko eta emaitzak hobetzeko. Azken finean, bilakaera enpresarialeko etorkizuneko erronkei arrakastaz aurre egitea ahalbidetzen duen tresna da.

Helburu horien bila, Irungo eta Hondarribiko sektore ezberdinetako 20 enpresa eta entitate izan dira parte hartzaileak. Horietatik, gehienek produktu propioa dute. Enpresek planteatutako beharretara egokitu dira lau tailer ezberdinak. Landu beharreko gaiak zehazteko, enpresen iradokizunak kontuan hartu eta Zentro Teknologikoetako teknologoen beharrak aztertu dira (Lortek, Tekniker, Ideko).