Adegik, Geroak eta Elkargik enpresa berriak sortzeko funts bat sustatu dute

14.11.2016

Gipuzkoako kapital pribatua da, enpresena eta langileena, eta Gipuzkoan egingo diren proiektuetara bideratuko da. Azaroaren hasieran jarriko da martxan.

Ekimen honekin balio-kate osoari heldu nahi zaio; startupa sortzen denean hasten da, eta garatzeko eta hazteko laguntza teknikoa eta finantzarioa emandakoan bukatzen da. Hori dela eta, Adegi, Geroa eta Elkargiz gain, beste eragile batzuek ere parte hartzen dute —guztiak pribatuak—, aholkulari edo bizkortzaile gisa, hala nola BerriUp-ek.