Donostiak zuzenduko du Smart Cityko Urumea Riverside proiektua

23.10.2015

Urumea Riverside izena du proiektuak, eta beste hiri batzuetara esporta daitekeen eredu estandar bat garatzea du helburu. 29 milioi euroko aurrekontua du guztira proiektuak, parte hartzen duten hiru hirien artean banatzeko.

Hiru hiriak aurrerapen handiak egiten ari dira hiri adimendun bihurtzeko, bakoitza alor jakin batean: Bristol IKTetan, Florentzia ibilgailu elektrikoetan eta Donostia energiaren aldetik eraginkorrak diren eraikinetan. Donostian egin beharreko proiektua Martutene eta Txomin auzoetan, Ametzagainan eta 27 Industrialdean egingo da.