Eusko Jaurlaritzak barne-ekintzailetza sustatzeko Up!Euskadi ekimenaren bigarren fasearen deialdia egin du

04.03.2016

Eusko Jaurlaritzak jarduera ekonomiko berriak sortzen lagunduko du, SPRIren bidez zuzentzen duen Up!Euskadi barne-ekintzailetza sustatzeko ekimenaren bigarren fasearen bidez.

Atzo aurkeztu zen ekimen honen bigarren fasea, Gipuzkoako Ganberan. Ekimena garatzen parte hartu dute EAEko hiru lurralde historikoetako BICek (Business and Innovation Centre) eta bitarteko eragile ugarik, besteak beste, merkataritza-ganberak, enpresa-klusterrak eta enpresa-elkarteak.