Indarrak batzen Euskadiko zurgintza-sektorean, nazioartean lehiatzeko

11.07.2016

Euskadiko Zuraren Elkarteak (Baskegur) eta Eusko Jaurlaritzako Ekonomiaren Garapen eta Lehiakortasun Sailak bultzatu dute ekimena, "Euskal zura" deiturapean.

Nazioartera hedatzeko Euskadiko zurgintza- eta basogintza-sektoreek inoiz egin duten ahalegin handiena dugu. Eremu zabala hartzen du sektore horrek zuhaitza mozten den unetik zura energia berdetarako erabiltzen den arteko ibilbidean.

EAEn, 20.000 bat laguni ematen die lana zuraren balio-kateak, eta urtean 3.300 milioi euroko inpaktua du euskal ekonomian.