Berrikuntza handiko Europako eskualdetzat jo da Euskadi

17.11.2016

 

Innobasque-k 2016ko Berrikuntza txostena aurkeztu du, 2005-2014 denboraldirako Zientzia, Teknologia eta Berrikuntzaren Euskal Sistemaren (ZTBES) analisi konparatibo bat.

Analisi horrek hautemate-analisi batekin uztartzen ditu ikerketa estatistiko eta makroekonomikoak: Basque Innovation Perception-ekin (BIP).

Lan horrek erakusten du eskualdeko berrikuntza-polo bat dela Euskadi. Hala deritzo Europako Batzordeak, berrikuntza moderatuko herrialdeetan dauden berrikuntza handiko Europako lau eskualdeetako bat baita. Euskadiz gain, Italiako Piamonte eta Friuli-Venezia Julia eta Eslovakiako Bratislava dira besteak.

Enpresei, bereziki enpresa txiki eta ertainei, berrikuntzan eman zaien bultzadaren garrantzia ere azpimarratzen du txostenak.