Ekintzaileak, inbertitzaileak eta enpresak biltzeko ahalegina egin du Gipuzkoak

26.02.2016

Ekintzailetzaren alde Gipuzkoa ekosistema egoki bihurtzeko asmoz — baina baita, gero, aberastasuna eta enplegua sortuko dituzten enpresak sortzea bultzatzeko ere—, emaitza handiak ematea espero duten aliantza bat sinatu dute lau erakundek.

Adegi, Orkestra (Crecer + ekimenaren bidez) eta Tecnalia enpresak eta BerriUp enpresa-azeleratzailea, helburu bera izanik, proiektu batean elkartu dira. «Ekimen pribatuaren apustu sendo bat da» proiektu hori, eta ekintzaileak, inbertitzaileak eta enpresa-sarea bera elkartzea du helburu, eta, hala, guztiak asebete.