Googleren kontsulta mediko partikularra, zabalik jada

01.07.2016

Elkarrekin ari dira lanean Google eta Harvardeko eta Mayo Klinikako (Estatu Batuak) zenbait doktore, bilatzaile horren erabiltzaileen zalantza medikoak argitzeko informazio-aplikazio bat sortzeko ahaleginean.

Estatu Batuetan bakarrik dago eskuragarri oraingoz funtzio hori, zeinaren helburua hau baita: ez erabiltzea pazienteek fidagarritasun eskaseko webgunerik edo termino oso konplexuak erabiltzen dituenik.

Googleren arabera, gaitzen baten sintomari buruzkoa izaten da bilaketen % 1, gutxi asko; batzuetan, ordea, "oso konplexuak izaten dira termino medikoak" eta estresa edo antsietatea eragiten diete erabiltzaileei.