Datozen urteetan Iran merkatu garrantzitsua izango da Espainiarako

24.07.2015

Bonetentzat, zehapenak kentzearen ondorioak ez direla berehala nabarituko, progresiboki baizik; izan ere Iranek denbora bat beharko du nazioarteko merkataritzara itzultzeko mekanismoak eta prozedurak berreskuratzeko.  “Zehapenak eta enbargoak izan ditu, eta erabilera bikoitzeko teknologien menpe egon da, eta, horrez gain, epe luzeko finantzaketa etenda izan du eta bankuek zailtasun handiak izaten zituzten ordainketak eta kobrantzak egiteko. Egitura hori guztia leheneratu behar da”.

Espainiako Ganberako Nazioarteko zuzendariak azaldu duenez, Espainiako enpresak Irango merkatuko hornitzaile izan ohi dira beti, batez ere enpresa txiki eta ertainena. Gaur egun, Espainiako Merkataritza Ganberak dituen azken datuen arabera, 350 enpresa espainiar daude –gehienak enpresa txiki eta ertainak– Iranera esportatzen dutenak, 300 milioi euroren esportazioak eginez, eta zifra hori herrialde bien aukeretatik oso azpitik dago.

Merkatu horretan negozio aukera gehien duten Espainiako sektoreei dagokienez, Bonetek azpimarratu du petrolio industria eta petrokimikako industriarako ekipamendua, esaterako, balbulak edo hodiak.