Altzairuaren krisiaren ondorioz, ekoizpenak behera egin du Gipuzkoan lehen aldiz 18 hilabetean

22.09.2016

Lurraldeko enpresen ekoizpen industrial metatua 18 hilabetez positiboan mantendu eta gero —gorakadak ere izan ditu, urtarrilean % 5,9rainokoa, adibidez—, uztailean lehenengo estropezu ‘ofiziala’ izan zuen ustez ondo zihoan bidean. Altzairuaren krisiak (Arcelor Zumarragaren ekoizpen-itxiera da horren erakusgarri Gipuzkoan) eragin du martxoaz geroztik, hamarrenez hamarren, ekoizpen metatua hilabetez hilabete jaisten joatea aurreko ekitaldiarekin alderatuta, eta uztailean 2015ekoa baino % 0,1 beherago zegoen.