Munduko altzairu ekoizpenak behera egin du berriro ere uztailean, Worldsteelen arabera

02.10.2015

Txinan,  65,8 Mt altzairu ekoitzi zen uztailean. 2014an, hil berean, ekoitzi zutena baino %4,6 gutxiago da hori. Asiako beste alde batzuetan, Japoniak 8,8 Mt altzairu ekoitzi zitun, aurreko urteko uztailean baino %4,9 altzairu gutxiago, eta Indiak, berriz, %1,2 gehiago,  7,7 Mt  altzairu ekoitzi zituen eta.

Europar Batasunean, Alemaniak 3,6 Mt altzairu landugabe ekoitzi zituen uztailean. Horrekin, %4,7 ko hazkundea erregistratu zuen 2014ko uztaileko datuekin alderatuta. Turkian, berriz, altzairu ekoizpena %10,4 uzkurtu zen uztailean, 2,5 Mt altzairu ekoitzi baitzen bertan.

Errusiak, berriz, 6Mt altzairu ekoitzi zituen uztailean, hau da, pasa den urteko uztailean baino %2,8 gutxiago. Ukrainiako kasuan ere altzairu ekoizpenaren jaitsiera erregistratu zen. Izan ere, Worldsteelek jasotako azken datuen arabera, uztailean 1,9 Mt-ko altzairu ekoitzi ziren Ukarinian, altzairu ekoizpenak %24,1 behera eginda.

Estatu Batuetan, berriz, 7 Mt altzairu ekoitzi ziren uztailean. Hau da, ekoizpenak berriro behera egin zuzen, %9,1, aurreko urteko uztailarekin alderatuta. Brasilen kasuan ere ekoizpenak behera egin zuen. Han, zehazki, 2,9 Mt-ko bolumena ekoitzi zen, %3,1 behera eginda.

Erdialdeko Ekialdean, Iran dugu, non aurtengo uztailean 1,3 Mt altzairu ekoitzi ziren, 2014ko hil berean ekoitzi zena baino %1,3 gutxiago, alegia.