Robotika % 17 hazten da urtero

17.11.2016

Robotikak erreferentziazko sektore ekonomikoetako bat bihurtu nahi du. Zifrak, eta, batez ere, itxaropenak dira gurari horren arrazoi. Sektorea % 17 hazten da urtean, eta espero da 2020an 140.000 milioi euroko merkatu-balioa lortuko duela.

Aurten bertan, merkatu-balio hori 25.000 milioi eurokoa izan da —ez da zifra batere makala—; horixe nabarmendu zuen Global Robot Expoko zuzendari nagusi Enric Forner-ek prentsari Espainiako hiriburuan sendotzen ari den erakusketa baten aurkezpen ofiziala egitean.