Osagaiak, funtsezkoak automobilgintzako industrian

27.08.2015

Osagaien sektoreak ekarpen handia egiten dio Espainiako ekonomiari, sektore handia delako, beste sektore batzuekin harremanetan dagoelako, esportatzaile eta berritzaile izaerak dituelako, eta enplegua  eragiten duelako.

• Posizio nabarmena du industrian, izan ere, 2014an 7.200 M€ sortu zituen Balio Erantsi Gordinean, hau da, automobilgintzaren sektoreak sortzen duenaren erdia baino gehiago eta industriak guztira sortzen duen Balio Erantsi Gordinaren %4,3aren parekoa.
• Sektorearen industri jarduerak ~4.600 M€-ko ekarpena egiten du zergatan (PFEZ, Gizarte Segurantza, BEZa eta Sozietateen gaineko Zerga).
• Jarduera ekonomikoan efektu biderkatzaile handia eragiten du:    Sektoreko produktuetan eskatzen  den euro bakoitzeko, 3,1 euroko eskaera eragiten dute ekonomian oro har, industria osoan dagoen ratiorik altuenetako bat, alegia.
• Bere produkzioaren ~%60 esportatzen du (~%82, esportatutako ibilgailuetan instalatutako osagaiak aintzat hartzen badira), eta ~1.400 M€-ko ekarpena egin zuen 2013an herrialdeko balantza komertziala hobetzen.
• Enplegua eragiten du, kalitateko enplegua, ondo ordaindutakoa eta Espainiako lurraldean ondo banandutakoa.
• 2009tik 2014ra bitartean, sektoreak 26.000 enplegu berri baino gehiago sortu ditu gizartean, eta, horri esker, azkenean 197.000 enplegu zuzen egon dira, 318.000 enplegu guztira, zeharkakoak kontuan hartuta.  
• Sektoreak iraupen laburreko enplegua eskaintzen du, epemugarik gabeko %85 kontraturekin, Espainiako batez besteko portzentajea baino 10 puntu gehiago; ordainsariei dagokienez, ordainsari altuko enplegua eskaintzen du, enpresarentzat 42.000€-kostua baitu enplegu horrek langile bakoitzeko, Espainiako industriak batez beste duen kostuaren baino %11 gehiago eta Espainiako batez bestekoa baino %37 baino pixka bat gehiago.
• Enplegua herrialde osoan zehar banatuta dago geografikoki. Industrietako enpleguaren %15 baino gehiago da, 10 autonomi erkidegotan.
• Osagaien sektorea oso konprometituta dago berrikuntzarekin; izan ere, sektorea teknologian oinarrituta dago neurri handian, eta munduan lehiakorra izaten jarraitzeko premia du. 2014an 905 milioi euro inbertitu ziren I+G+Bn, hau da, bere fakturazioaren %3 inbertitu zen arlo horretan.