Philipsek adimen handiagoko argiztapen sistema konektatuak izateko akordioak izenpetu ditu Cisco, SAP eta Bosch enpresekin

18.12.2015

Philips Lightingeko CEO Eric Rondolatek prensa komunikatu batean azaldu duenez, bere konpainiak bat egingo du Cisco informazioaren teknologien erraldoi estatubatuarrarekin, SAP Software konpainiarekin eta Bosch ingeniaritza eta elektronikako taldearekin, eta hirurei bere argiztapen sistema konektatuak eskainiko dizkie, bere bulego konektatuen arloan erabiltzeko, Ciscoren kasuan, hirien azpiegiturarako, SAPen kasuan, eta etxeko sareetan erabiltzeko, Boschen kasuan.

Zehazki, bulego eraikinetan Cisco sistemak erabiltzen dituen datu sareekin konektatuko ditu bere argiztapen sistemak. Hirietako azpiegituretan SAPeko HANA teknologia erabiliko du, argiztapen publikoaren informazioa hiri adimendunetan beste sentsore batzuek ematen dituzten beste datu batzuekin  elkartzeko denbora errealean, baimendutako zerbitzu publikoek datu zehatzak eskuratu ahal ditzaten eta horrela bere zereginak errazago egin.