Hortz-esmaltea hidroxiapatitarekin leheneratzea proposatu dute

25.11.2016

Querétaroko Unibertsitate Teknologikoak (Mexiko) behi-hezurretik lortutako nanopartikulak sintetizatzeko eta ezaugarritzeko proiektu bat garatu du hidroxiapatita (HAP) fabrikatzeko, eta proposatu dute harekin gizakien hortz-esmaltea leheneratzea.

Kaltzio fosfatoa duen material biozeramiko horrek hezur-ehunaren oso antzeko konpresio fisiko-kimikoak ditu, biobateragarria da, ez da toxikoa, kimikoki egonkorra da, bizigabea, eta erresistentzia handikoa. Propietate horiei esker, aplikazio-eremu zabala du biomedikuntzan, bereziki inplanteen eta protesien alorretan.