Munduko 3D inprimagailu industrial aurreratuenetako bat sortu da Euskadin

12.11.2015

Atzo aurkeztu zuten hiru dimentsioko inprimagailu berritzaile hori Donostiako Parke Teknologikoan, eta hauek hartu zuten parte ekitaldian: Arantxa Tapia Ekonomiaren Garapen eta Lehiakortasuneko sailburuak, Amaia Maseda EHUko Hedakuntzaren eta Transferentziaren arloko errektoreordeak, Koldo Arandia IBARMIAko zuzendariak eta Iñaki San Sebastian TECNALIAko zuzendari nagusi ondokoak.

"Add+Process" izena du inprimagailu berri horrek, eta milioi euro inguruko kostua du. Haren bidez, pieza metaliko handiak sor daitezke zerotik hasita eta "doitasun handiz" amaitu, baita, adibidez, automobilgintzarako, makina-erremintarako eta aeronautikarako "balio handia" duten piezak konpondu ere, nazioarteko kalitate-estandarrak betez.