Suitzak Europako Trenbide Agentzian sartu nahi du

25.05.2015

Mugimendu horrekin, Suitzak erraztu egingo luke herrialde horretan fabrikatzen den material gurpildunak zirkulazioan jarri baino lehen pasatu behar duen baimen-prozesua. Beste ondorio bat litzateke herrialdeak aktiboki hartu ahal izango lukeela parte Europako trenbide-legedia egiten.

Horren truke, Suitza Europako Trenbide Agentzian sartuko balitz, botere pixka bat galduko luke trenbide-segurtasun nazionalaren arloan, baina Alpeetako herrialdean bakarrik dabiltzan trenei baimena emateko ahalmena duen herrialde bakarra izaten jarraituko luke.

Europar Batasuneko kide ez izan arren, Bruselak egindako hainbat trenbide-arau sartu ditu Suitzak bere arauketa nazionalean, eta, 2002az geroztik, Lurreko Garraioaren Akordioak lotzen ditu biak.