Hazkunde-hirurtekoa izan da plastikoetarako Europako makinen salmentan

02.11.2016

Hala adierazi dute, Düsseldorfeko K azokan, Europako fabrikatzaile nagusiak biltzen dituen EUROMAP elkarteko arduradunek.

EUROMAPeko lehendakari Luciano Anceschiren arabera, 2005etik 2015era bitartean, gure herrialdeetan salmentak 9.300etik 13.500 milioi eurora igo ziren. % 46 gehiago, baina munduko hazkundea baino gutxiago, % 83 izan baitzen aldi horretan bertan.

Aurreikuspenen arabera, plastikorako eta kautxurako makinen munduko salmentak batez beste % 3,4 haziko dira 2016tik 2018ra bitartean, eta Txina izango da hazkunde horren buru.