Uber-ek gidaririk gabeko auto-zerbitzu bat jarriko du martxan AEBn

22.09.2016

Lau Ford Fusion auto dira. Ez dute gidaririk, baina laser-teknologia, kamerak eta bestelako sentsore batzuk dituzte, eta Uber-en bezeroen eskura egongo dira Pittsburgheko kaleetan, Pennsylvanian, zeina teknologia berriak garatzeko gune bihurtu baita Estatu Batuetako ekialdeko kostan.

Asteartean prentsaren aurrean egin zuten saiakuntza batean, AFPk ikusi zuen nola ibilgailuak erraz ibiltzen diren zirkulazio konplexuko hiri batean. Ibilgailu autonomoak eta haien euskarri teknologikoa bi urtez probatu dira Pittsburgheko zirkulazio konplexuan, eta martxan jarri aurretik egindako erakustaldiek erakutsi zuten edozein gidari bezain gai direla egoerak maneiatzeko.