Autobideetan elektrizitate jasangarria sortzeko modua aztertzen ari da proiektu bat

01.10.2015

ESPHERA proiektuak (Energia Berriztagarrien Ekoizpen eta Bilketa Sistemen Azterketa) azterketa teoriko bat egin du autobideei argiztapen-sistemak, ordainlekuak eta abar elikatzeko beren elektrizitate propioa sortzeko aukera emango lieketen zenbait teknologiari buruz. Horretarako, etorkizun handieneko teknologia batzuk aukeratu dira, irizpide ekonomikoak, eraginkortasuna, jasangarritasuna eta ingurumen-inpaktua kontuan hartuta.

Lehendik dauden eta sendotuta dauden energia-iturri berriztagarriak aztertzeaz gain —fotovoltaikoa, eolikoa eta geotermikoa, adibidez—, merkatuko beste sistema berritzaile batzuk ere aztertu dira. Haien artean, itxaropen handiena Vortex-ek sortu du: haizearekin kulunkatzen den zutoin bat da, eta elektrizitatea sortzen du iman-joko bati esker.