Molekula berri batek Alzheimerren gaixotasunaren garapena eten du saguetan

29.09.2016

Ikerketa Zientifikoen Kontseilu Goreneko (CSIC), Madrilgo Unibertsitate Konplutentseko eta Bartzelonako Unibertsitate Autonomoko ikertzaile batzuek Espainian egindako ikerketa berri batek halaxe dio.

Molekula horren ezaugarriak ikusita, egokia izan daiteke alzheimerrean izaten den endekapen kognitiboa eta neurodegenerazioa tratatzeko.

 Molekula horrek, alde batetik, proteina toxiko amiloidea, alzheimerrean esku hartzen duena, garunean eranstea edo geratzea eragozten du, eta, bestetik, transmisio kolinergikoa eta monoaminergikoa estimulatzen ditu, eta horrek nabarmen hobetzen ditu gaixotasunaren sintoma kognitiboak.